Isa 45 | Ndebele | STEP | Itsho njalo iN kosi kogcotshiweyo wayo, kuKoresi , osandla sakhe sokunene ngisibambile ukuze ngehlisele phansi izizwe phambi kwakhe ; ngithukulule izinkalo zamakhosi , ukuvula phambi kwakhe amasango alezivalo ezimbili, lamasango angavalwa.

1 Itsho njalo iNkosi kogcotshiweyo wayo, kuKoresi ^a, osandla sakhe sokunene ^b ngisibambile ukuze ngehlisele phansi izizwe phambi kwakhe ^c; ngithukulule izinkalo zamakhosi ^d, ukuvula phambi kwakhe amasango alezivalo ezimbili, lamasango angavalwa. 2 Mina ngizahamba phambi kwakho, ngenze indawo ezigobileyo ziqonde ^e, ngiphahlaze izivalo zethusi ^f, ngiqume phakathi imigoqo yensimbi ^g. 3 Ngizakunika okuligugu kobumnyama ^h, lenotho ethukuziweyo yezindawo ezisithekileyo ⁱ, ukuze wazi ukuthi mina Nkosi, engikubiza ^j ngebizo lakho ^k, nginguNkulunkulu kaIsrayeli ^l. 4 Ngenxa yenceku yami uJakobe ^m, loIsrayeli umkhethwa wami ⁿ, ngikubizile ^o ngitsho ngebizo lakho ^p, ngakunika isibongo ^q, lanxa ungangazanga ^r.

5 NgiyiNkosi ^s, njalo kakho omunye ^t, ngaphandle kwami kakulaNkulunkulu; ngikubhincisile ^u lanxa ungangazanga ^v. 6 Ukuze bazi ^w kusukela lapho eliphuma khona ilanga ^x, njalo kusukela entshonalanga, ukuthi kakho omunye ngaphandle kwami ^y; ngiyiNkosi, njalo kakho omunye ^z. 7 Ngibumba ukukhanya, ngidale umnyama ^aa; ngenza ukuthula, ngidale ububi ^ab; mina Nkosi ngenza zonke lezizinto. 8 Thontisani, mazulu ^ac, kuvela phezulu, lamayezi athulule ukulunga ^ad; umhlaba kawuvuleke, njalo kuthele usindiso, njalo kakuthi ukulunga ^ae kumile kanyekanye; mina Nkosi ngikudalile. 9 Maye kuye ^af ophikisana ^ag loMbumbi wakhe ^ah, udengezi lezindengezi zomhlabathi! Ibumba ^ai lizakutsho yini kolibumbayo ukuthi: Wenzani? kumbe: Umsebenzi wakho, kawulazandla yini? 10 Maye kuye othi kuyise: Uzalani? kumbe kowesifazana: Ubeletheni? 11 Itsho njalo iNkosi, oNgcwele kaIsrayeli, loMbumbi wakhe: Buzani kimi ngezinto ezizayo ^aj, ngamadodana ami ^ak, langomsebenzi wezandla zami ^al liyangilaya. 12 Mina ngiwenzile umhlaba ^am, ngadala umuntu phezu kwawo ^an; mina, izandla zami zendlale amazulu ^ao, ngalawula amabutho awo wonke ^ap. 13 Mina ngimvusile ngokulunga ^aq, njalo ngizaqondisa zonke izindlela zakhe; yena uzakwakha umuzi wami ^ar, akhulule abathunjiweyo bami, hatshi ngentengo njalo hatshi ngesivalamlomo ^as, kutsho iNkosi yamabandla.

14 Itsho njalo iNkosi: Umsebenzi weGibhithe ^at, lokuthengiswayo kweEthiyophiya ^au lokwamaShebha ^av, amadoda amade ^aw, kuzadlulela kuwe, kuzakuba ngokwakho; bazakulandela, bedlule besemaketaneni ^ax, bakhothame kuwe ^ay, balabhele kuwe besithi: Isibili uNkulunkulu ukuwe ^az, njalo kakho omunye, kakho omunye uNkulunkulu ^ba. 15 Isibili unguNkulunkulu ozifihlayo ^bb, uNkulunkulu wakoIsrayeli, uMsindisi. 16 Bazayangeka ^bc, ngitsho babe lenhloni, bonke; bazahamba belehlazo kanyekanye ababazi bezithombe ^bd. 17 Kodwa uIsrayeli uzasindiswa eNkosini ngosindiso olulaphakade; kaliyikuyangeka, kaliyikuba lenhloni ^be, kuze kube nini lanini ^bf.

18 Ngoba itsho njalo iNkosi eyadala amazulu ^bg, yona enguNkulunkulu, eyabumba umhlaba yawenza; yona yawumisa, ingawudalelanga ize ^bh, yawubumbela ukuze kuhlalwe kuwo: NgiyiNkosi, njalo kakho omunye ^bi. 19 Kangikhulumelanga ekusithekeni ^bj, endaweni emnyama yomhlaba; kangitshongo kuyo inzalo kaJakobe ukuthi: Ngidingani ngeze ^bk. Mina Nkosi ngikhuluma iqiniso ^bl, ngimemezela izinto eziqotho ^bm.

INkosi inguNkulunkulu wakho konke

20 Buthanani libuye; sondelani kanyekanye, lina elaphunyuka ezizweni ^bn; abathwala izigodo zezithombe zabo ezibaziweyo kabazi ^{bo
,} ^bp, abakhuleka kunkulunkulu ongelakusindisa ^bq. 21 Tshelani, libasondeze ^br; yebo kabacebisane kanyekanye: Ngubani owazwakalisa lokhu kwasendulo ^bs? Owakukhulumayo kusukela kulesosikhathi na ^bt? Kakusimi iNkosi yini? Njalo kakho omunye uNkulunkulu ngaphandle kwami ^bu, uNkulunkulu olungileyo loMsindisi ^bv; kakho ngaphandle kwami ^bw. 22 Khangelani kimi, lisindiswe ^bx, lina lonke mikhawulo yomhlaba ^by; ngoba nginguNkulunkulu, njalo kakho omunye ^bz. 23 Ngizifungile mina ^{ca
,} ^cb, ilizwi liphumile emlonyeni wami ngokulunga, njalo kaliyikuphenduka, elithi: Kimi ^cc lonke idolo lizaguqa ^cd, lonke ulimi luzafunga ^ce.

24 Ngeqiniso, omunye uzakuthi: ENkosini ngilokulunga lamandla ^cf; kuyo bazakuza; kodwa bonke abayithukuthelelayo bazayangeka ^cg. 25 ENkosini ^ch yonke inzalo yakoIsrayeli izalungisiswa, izincome ^ci.